"جالي 1000 رسالة من الإعلان ... 500 منهم اختفوا بعد أول رد!، إيه السبب؟!"
أولا كدا دا مش معناه إن الحملة فشلت بالعكس.
علشان كدا لازم تفهم إن مش كل اللي بعت رسالة كان ناوي يشتري أساسًا.
فيه واحد كان بيدور على الخدمة فعلاً.
وفيه واحد بيقارن بينك وبين 20 منافس.
وفيه واحد بيجمع معلومات للشراء بعدين.
وفيه واحد دخل من باب الفضول.
وفيه واحد ضغط على الإعلان بالغلط.
المشكلة إن ناس كتير بتقيس نجاح الحملة بعدد الرسائل، مع إن الأهم هو جودة الرسائل دي ونسبة التحويل لأوردرات فعلية وتسليمات.
كمان لازم تسأل نفسك دلوقتي:
• رديت بعد قد إيه على العميل؟
لأن العميل بعت لك، وبعدها ظهر له إعلان المنافس بتاعك وبعت للمنافس في نفس الدقيقة اللي بعتلك فيها، مين أول حد هيرد عليه ويقفل الصفقة معاه!.
• أول رسالة كانت إيه؟
كانت سؤال يفتح نقاش يجذبه، ولا كانت 50 سطر أسعار وشروط ومميزات خلت العميل يهرب.
• الإعلان واضح؟
الكرييتڤ في الحملة كان واضح ولا سايب علامات استفهام كتير خلت الناس تبعت تسأل بس وهما معندهمش أساسًا نيه للشراء؟
• السؤال الأخير أنت أساسًا في أنهي مرحلة من الـ Funnel؟
Awareness ولا Consideration ولا Conversion؟
لأن لو أنت لسه بتبني وعي بالسوق طبيعي يجيلك فضوليين كتير وأكيد مش كلهم هيشتروا.
ومن الحاجات اللي ناس كتير بتغفل عنها إن اختفاء العميل اللي بعت رسالة مش معناه فقدان العميل، جزء كبير منهم مهتم فعلًا لكن مش جاهز يشتري دلوقتي، وده دور الـ Retargeting بعد كده.
ولو لقيت نسبة كبيرة من الناس بتسأل نفس الأسئلة أو ناس مش فاهمة العرض، فـ غالبًا المشكلة مش في الجمهور، المشكلة في الكرييتڤ أو طريقة عرض المنتج أو الخدمة.
آخر حاجة حابب أقولها، إن زي ما إعلانك ظهر للعميل، ظهر له 100 إعلان غيرك، فالهدف مش إن العميل يبعت رسالة، الهدف إنك تكون أسهل وأوضح وأسرع حد يرد عليه بعد ما يبعت الرسالة.
#تسويق_إلكتروني #محمد_راضى_سعد_حسن
#MohamedRadiSaadHassan
#imrs53